Mae un o actorion enwocaf Cymru, enillydd Gwobr Emmy Matthew Rhys, yn dychwelyd i lwyfan Cymru am y tro cyntaf ers 22 mlynedd yn y ddrama un-dyn glodwiw hon am y seren ryngwladol Richard Burton.

Wedi’i chyfarwyddo gan enillydd Gwobr Tony Bartlett Sher ac wedi’i hysgrifennu gan Mark Jenkins, mae Playing Burton yn cynnig cipolwg treiddgar ar fywyd yr actor, o’i ddechreuadau tlawd yn Ne Cymru i’w esgyniad fel un o berfformwyr mwyaf ei genhedlaeth. Gyda hiwmor, didwylledd a gonestrwydd, mae’r ddrama’n archwilio perthynas dymhestlog Burton ag Elizabeth Taylor, ei frwydr gyhoeddus yn erbyn alcoholiaeth, a’r ymdrech i gydbwyso enwogrwydd, uchelgais a hunaniaeth.

Digwyddiad codi arian i gefnogi tymor cyntaf Welsh National Theatre.